संविधानको आवश्यकता किन ?

संसारको एक पटक हे रौ त ? के संविधान बिनाको देशको के कल्पना गर्ना सकिएला ? पक्कै पनि सकिदैन किन की राज्यमा स्थायी शासन संचालनमा संवैधानिक प्रवधानको मुख्य भुमिका रहन्छ स्थायी शासनका लागि स्थायी सरकार आवश्यक पर्दछ जब स्थायी सरकारको स्थायित्व हुन्छ तव मात्र राष्ट्रको विकास क्रम अघि बढ्न सक्छ । यदि सरकार नै सधै बदलिईरहने हो भने राष्ट्रको सर्वाङीण विकास हुन सक्दैन जुन परिस्थीति अहिले हामीहरुले भोग्नु परिरहेको छ । तीन अंग कार्यपालिका, न्यापालिका र व्यवस्थापिका साथैे राज्यमा अनेक किसिमका ऐन, नियम र विनियमको आवश्यकता पर्ने हुन्छ जसको कारणले देशको निति नियमको तर्जुमा गरिएको हुन्छ त्यसलाई प्रभावकारी बनाउनका लागि पनि संविधानको आवश्यकता पर्दछ । लोकतान्त्रिक शासन व्यवस्था, नागरिक स्वतन्त्रता, मौलिक अधिकार, मानव अधिकार, बालिग मताधिकार, आवधिक निर्वाचन, पूर्ण प्रेस स्वतन्त्रता, स्वतन्त्र न्यायपालिका तथा कानूनी राज्यको अवधारणा लगायत जनताको सम्पूर्ण हकअधिकारको सुनिचित आधारभूत अधिकारको प्रत्याभूति गर्न लोकतन्त्र, शान्ति, समृद्धि, अग्रगामी आर्थिक–सामाजिक परिवर्तन तथा देशको सार्वभौमिकता, अखण्डता, स्वतन्त्रता र स्वाभिमानलाई उच्च राख्नका लागि संविधानको महत्व पूर्ण भुमिका रहेको हुन्छ ।